د تېلو لېږد رالېږد سیسټم

د افغانستان نفت او ګازو دولتي شرکت شاوخوا ۱۰۰ عرادې د نفتو او ګازو ټانکرونه لري چې په اغېزمنه توګه د هیواد له پولو او زېرمو څخه نفتي توکي په ټول هیواد کې خپلو د تېلو او ګازو ټانکونو ته رسوي. ټانکرونه په بشپړه توګه فعال دي او په دې وروستیو کې رغول شوي هم دي. سربېره پر دې، AOGC د موټرونو او SUV مختلف ډولونه لري چې په ټول هیواد کې د داخلي لوژستیک او زموږ دفترونو ته د توکو او کارکوونکو د لېږد رالېږد په موخه ترېنه کار اخیستل کېږي. AOGC په فعاله توګه د موټرونو شمېر ډېروي او په منظم ډول او په ځانګړې توګه د هغوی په ساتنې باندې تمرکز کوي. دا شرکت د خپلو موټرونو د منظم ساتلو او د ښه فعاله ټرانسپورټي چوپړتیاوو وړاندې کولو په موخه د لوی پرمختللي ورکشاپ اسانتیاوې هم لري.